Hatortxu Rock-en 30. edizioaren lehen eguna piztu da Lakuntzan. Eguerditik hasi zen jende oldea ailegatzen, petoa jantzita, irribarrez eta gogoz. Sarrera-guneko lehen besarkadek, lagunen arteko elkarguneek eta muntatutako txosnek argi utzi zuten: herria martxan da berriro, eta azken Hatortxu honetan elkartasun sumendia osatuko da.
Arratsaldean irekitako hasiera ekitaldian, Oihan Ekizak eskerrak eman dizkie Lakuntzako herritarrei eta azpimarratu du «dispertsioa amaitu» dela «baina ez borroka, ezta konpromisoa ere. Hatortxuk agur esango du, baina guk ez».
Ondoren, lehen kontzertuek giroa berotu dute. Barniz taldeak, jaialdiari eskaini dion kantua oholtzan bertan abestuta, plaza dantzan jarri du ustekabean. Musika, aldarria eta festa eskutik helduta hasi dira. Iluntzean, txosnak bizitzen hasi dira, eta eszenatoki nagusiak lehen dardarak eman ditu.
Aurtengo jaialdia ez da soilik agur bat: ospakizun bat da, baina baita zaintzaren espazioa ere. Antolatzaileek argi utzi dute: «Hau gune segurua da denontzat. Ez erasorik, ez bazterketarik».
Lehen egunak erakutsi du: jendea prest dago azken Hatortxu hau bihotzez bizitzeko. Eta hau hasi besterik ez da egin.
Desalojado el instituto de Martutene, el Ayuntamiento solo realoja a la mitad en La Sirena
Solicitan inhabilitación y prisión para los policías acusados de agredir a un menor en Gasteiz
Euskal Herriko Osborneren azken zezena lurrera bota du Ernaik
Ertzainas del ‘caso Zabarte’ dicen que los proyectiles prohibidos «se les cayeron de una bolsa»
