Osagaiak 6 lagunentzat
Txahal mingain bat, tipula, porru eta azenario zati bat, ura, gatza. Saltsa: 2 baratxuri ale, tipula bat, porru erdia, 400 g azenario, ardo gozo, olioa, gatza, piperbeltz beltza. Hornidura: kilo bat patata txiki, 3 baratxuri ale, 100 ml olio, gatza, perrexila.

Zailtasuna                               3

1. Mingaina garbitu.
2. Prezioko eltze batean mingaina, barazkiak, ura eta gatza jarri eta 30 minutuz egosi. Epeltzen utzi eta azala kendu. Berriro saldan sartu eta utzi hoztu arte.
3. Mingaina atera eta 24 xerratan moztu. 500 ml salda saltsa egiteko gorde.
Saltsa:
1. Eltze batean zerrendatan moztutako tipula, baratxuria eta porrua olio zurrusta batekin erregosi, su eztitan.
2. Azenarioak zuritu eta zerrendatan moztu. Barazkiekin batera jarri eta erregosi.
3. Barazkiak eginda daudenean,  ardo pixka batekin busti eta 2 minutuz egosi.
4. Saldarekin busti eta 15 minutuz egosi. Irabiagailuarekin nahasi eta txanotik pasatu. Behar adina gatz eta piperbeltz beltz bota.
Mingaina xerrak saltsan sartu eta 3 minutuz egosi.
Hornidura honekin lagundu:
1. Patatak garbitu eta erditik moztu.
2. Baratxuriak, olioa eta perrexila irabiagailuarekin nahasi. Patatekin nahastu.
3.  Azpil batean patatak jarri eta labe beroan sartu, 180 gradutan, 40-45 minutuz.