
Google bidez euskaraz egindako bilaketen lehenengo emaitza hizkuntza horretan izan dadin, eta ez gaztelaniaz, kanpaina abiatu dute hainbat erabiltzailek sareetan. Salatu dutenez, euskararekiko diskriminazioa da eta konponbidea bilatu dezan eskatu diote bilatzaileari.
«Google maitea. Nire hizkuntza nagusia euskara da. Atsekabetuta nago orain dela gutxi, nire bilaketetan, maiz, informazio beraren gainetik, gaztelaniazko orrien estekak jasotzen ditudalako euskaraz. Azter dezakezu hau? Eskerrik asko», da sareetako hainbat erabiltzek Google nabigatzaileari zuzendu dioten mezua.
Eskaera katalanek hasi zuten, gauza bera gertatzen baita euren hizkuntzarekin. Batzuei, Google bilatzailearen Twitter kontuak erantzun egin die eta bilaketa eleaniztunei dagokienez «gauzak hobetzeko» lanean ari direla esan diete. Gainera, arazoaren adibideak bidaltzeko eskatu die enpresak erabiltzaileei.
Adibiderik argiena Wikipediarena da. Katalanarekin bezala, bilaketa euskaraz egin ondoren lehenengo emaitza euskaraz beharko luke izan, baina gaztelaniazko bertsioaren artikulua agertzen da.
Kaixo @Google. Nire hizkuntza nagusia #euskara da. Etsigarria da ikustea zerbait bilatzen dudanean, maiz, bilatzaileak euskarazko orrira bideratu beharrean, informazio bera duten gaztelaniazko orrialdeen esteketara eramaten nauela. Aztertu dezakezue zer gertatzen den? Milesker.
— Kike Amonarriz (@KikeAmonarriz) January 24, 2023
Hi @Google not gonna copy-paste what others are saying re: your search engine showing results in Spanish & other languages when we search for stuff in Basque. You know you messed up, so please just revert to the previous algorithm, we're a small community and we need it. Thx
— Oihan 🔻 (@oihantxabarri) January 24, 2023
Sorry, but this is not true. @wikipedia is well divided into languages, with different URLs, and searching for Basque words gives results in Spanish, hiding the Basque Wikipedia ones.
— Galder Gonzalez🔻 (@theklaneh) January 24, 2023
Euskaraz daukat ordenadorearen sistema operatiboa, euskaraz firefox nabigatzailea... adibide bat. #Portugal bilatu dut.
— gaztelumendi 🖐 📢 (@iPatxi) January 24, 2023
Emaitzak:https://t.co/epSdwYGaIj pic.twitter.com/Ac99stpMmg
Kaixo @Google. Nire hizkuntza nagusia #euskara da. Etsigarria da ikustea zerbait bilatzen dudanean, maiz, bilatzaileak euskarazko orrira bideratu beharrean, informazio bera duten gaztelaniazko orrialdeen esteketara eramaten nauela. Aztertu dezakezue zer gertatzen den? Milesker.
— Bilboko AEK (@BilbokoAEK) January 24, 2023

Ibogaína: el psicodélico africano que podría revolucionar la lucha contra las adicciones

Netflix detalla sus nuevas medidas contra cuentas compartidas en más de un hogar

Orburuak arrautzarekin

Anonyme Popular, ziztada esnagarri bat garen eta izan nahi dugun horretan

«Ideia zen, diskoa entzutean, entsegu lokalean gurekin zaudela sentitzea»

Autismo: Cuando la mochila que más pesa es la institucional

«Los videojuegos pueden ser usados para fines educativos y acercar la Historia a la juventud»

La «ilusión» de Osasuna y el «hambre» del Athletic, frente a frente en semifinales de Copa
