Osagaiak 6 lagunentzat
Orea: 180 g irin, arrautza bat, 50 g gurin, gatza. Betegarria: porru bat, 2 baratxuri ale, tipula erdia, 200 g barrengorri, piper gorri bat, azenario bat, 100 g boniato, 100 g kuia, 150 ml esne, 150 ml esne-gain, 3 arrautza, gatza, piperbeltz zuria.
Zailtasuna 3
Orea:
1. Irina mahai gainean jarri eta erdian zulo bat egin, sumendi baten antzekoa.
2. Erdian gatz pixka bat, arrautza eta bigundutako gurina jarri. Nahasi irina beste gai guztiak irensteko moduan, guztiak bereganatu arte. Orea eskuetan eransten baldin bada, irin gehiago gehitu eta berriz nahasi.
3. Tapatu eta hozkailuan ordu betez beratzen utzi.
4. Tarta molde bat gurinez igurtzi. Arrabola batekin orea zabaldu eta moldea bete.
5. Labe beroan sartu, 190 gradutan, 10 minutuz.
Betegarria:
1. Txikitutako tipula, baratxuriak eta porrua olio pixka batekin erregosi, su eztitan.
2. Piperrei haziak kendu eta dadotan moztu. Barrengorriak garbitu eta zerrendatan moztu. Azenarioa, boniatoa eta kuia zuritu eta dado txikitan moztu. Barazkiak tipularekin batera jarri eta 10 minutuz erregosi.
3. Ontzi batean esnea, esne-gaina eta arrautzak irabiagailuarekin nahasi. Barazkiak gehitu eta nahastu. Behar adina gatz eta piperbeltz zuri bota.
4. Labe beroan sartu, 190 gradutan, 35-40 minutuz.
Lateralidad, un tema desconocido pero crucial en el aprendizaje de las niñas y niños
Blancas, delgadas y jóvenes: un estudio constata los sesgos de la IA en imágenes de mujeres
Euskal musikaren sektoreak kezkaz begiratzen dio makrokontzertuen gorakadari
Científicos que trabajan en Groenlandia alertan del riesgo de una apropiación de Estados Unidos
