LEHENENGO ERA
Osagaiak 4 lagunentzat
20 orburu. Patata purea: 2 patata, baso erdi esne, koilarakada txiki bat gurin, gatza, piperbeltz beltza.
Zailtasuna 2
1. Orburuei kanpoko hosto gogorrak kendu. Zainari azala zuritu. Barruan dituzten ileak koilara txiki batekin atera.
2. Eltze batean ura eta gatza berotu. Irakiten hasten denean, orburuak sartu eta 15 minutuz egosi. Lau zatitan moztu.
3. Azpil batean jarri eta hurrengo purearekin estali. Labe beroan sartu, 190 gradutan, ondo berotu arte.
Purea:
1. Patatak zuritu eta zatitu. Eltze batean ur eta gatzarekin jarri eta 20 minutuz egosi.
2. Esnea eta gurina berotu.
3. Patatak ondo xukatu. Esnea bota eta irabiagailuarekin nahasi. Behar adina gatz eta piperbeltz beltz bota.
BIGARREN ERA
Osagaiak 4 lagunentzat
20 orburu, 2 patata, 2 baratxuri ale, olioa, gatza.
Zailtasuna 1
1. Orburuak aurreko errezetan esan dugun bezala garbitu. Patatak zuritu eta kraskatu.
2. Ura irakiten hasten denean, orburuak eta patata bertan sartu eta 15 minutuz egosten utzi. Xukatu.
3. Zartagin batean txikitutako baratxuriak olio zurrusta batekin erregosi, su eztitan.
4. Orburu eta pataten gainetik bota.
El último refugio de Tito: historia y nostalgia yugoslava en la Casa de las Flores
Lateralidad, un tema desconocido pero crucial en el aprendizaje de las niñas y niños
El robo del año no ha tenido lugar en el Louvre, sino en Spotify
«Nos gusta lanzar pequeñas bombitas a la conciencia de la gente»
