Instagram eta TikTok erabiltzeak eragin handiagoa du nesken ongizate psikologikoan

Universitat Pompeu Fabrak (UPF) eta Universitat Oberta de Catalunyak (UOC) egidako ikerketa baten arabera Instagram eta TikTok sare sozialak erabiltzeak eragin handiagoa du nesken ongizate psikologikoan mutilenean baino. 1.000 nerabe baino gehiagori egindako inkesta batetik ondorioztatu dute.

Instagram eta TikTok erabiltzeak gehiago eragiten dio nesken ongizate psikologikoari mutilenari baino, Universitat Pompeu Fabra (UPF) eta Universitat Oberta de Catalunya (UOC) unibertsitateek egindako ikerketa batek jakitera eman duenez.

Ikerketa hau azterketa kuantitatibo batetik sortu da eta agerian utzi du neskek sareak modu intentsiboagoan erabiltzen dituztela, sare horietan proiektatzen duten irudi eta itxura fisikoagatik presionatuagoak eta behatuagoak sentitzen direla, eta kanpoko baliozkotze gehiago behar dutela.

Sareek beren bizitza sozialeko beste alderdi askotan duten eraginari buruz gazteek zer iritzi duten aztertu dute ikerketan, hala nola talde bateko kide izatean edo diren bezala adierazteko gaitasunean.

Emaitzak 12 eta 18 urte bitarteko Estatu espainoleko 1.043 neraberen lagin adierazgarri bati egindako inkesta batetik atera dira (nesken %50,5 eta mutilen %49,5). Horietatik %70,7k TikTok erabiltzen du, eta %63,8k Instagram.

Inkestan parte hartu dutenek 1etik 5era baloratu dute sareek beren bizitza sozialeko 9 itemetan duten eragina, eta puntuatuenak izan dira antolaketa kolektiborako gaitasuna, egokitasun globala eta diren bezala adierazteko aukera; horietan guztietan, ongizate psikologikoan izan ezik, ez dago alde nabarmenik generoaren arabera.

Mutilen eta nesken artean balorazio baxuena duten itemak hurbilen dauden helduekiko komunikazioa dira (3,06 kasu bietan), eta ongizate psikologikoaren kasuan, neskek 2,99 eta mutilek 3,13 puntu ematen dizkiote.

Eragin positiboak neskengan

Azterlanaren ondorioetako bat da mutilek uste dutela sareen erabilerak eragin neutroa duela beren bizitzetan, baina neskek zenbait ondorio positibo ere adierazten dituzte sareen erabileran beren ongizate psikologikoan; esate baterako, balioesten dute antzeko egoeretan dauden pertsonekin konexioa, euskarria eta eztabaidarako espazioak ematea.

Ikerketak ohartarazten du joera horrek gaitasun kritikoa kentzen diela nerabeei ezarrita dauden tradizio sozialekiko, adibidez genero rolekiko, TikTok-en agertzen den algoritmoaren arabera.

Artikulua ‘Revista de Comunicacion’ aldizkarian argitaratu da, eta azterlana Monika Jimenez UPFko Komunikazio Saileko Communication, Advertising and Society (CAS) taldeko ikertzaileak eta Mireia Montaña UOCeko 'Aprenentatge, Mitjans de Comunicació i Entreteniment (GAME)' taldeko kideak zuzendu dute.