Borraia patata eta urdaiazpikorekin

LEHENENGO ERA
Osagaiak 4 lagunentzat
1,5 kilo borraia, 2 patata, 50 g urdaiazpiko ondu, tipula bat, 2 baratxuri ale, koilarakada bat irin, olioa, gatza.

Zailtasuna                        2               

1. Kazola batean ura eta gatza berotu.
2. Borraiari hostoak eta zurtoinaren behealdea kendu, ur hotzarekin garbitu eta 5 zm-ko pusketan moztu.
3. Patatak zuritu eta kraskatu.
4. Ura irakiten hasten denean, borraia eta patata bertan sartu eta 15-20 minutuz egosten utzi. Xukatu eta salda gorde.
5. Zartagin batean txikitutako tipula eta baratxuriak olio zurrusta batekin erregosi, su eztitan.
6. Txikitutako urdaiazpikoa gehitu eta arin erregosi.
7. Irina gehitu eta eragin. Baso bat salda apurka-apurka bota eta etengabe irabiatu.
Borraia eta patata sartu eta 2 minutuz egosi.

BIGARREN ERA
Osagaiak 4 lagunentzat
1,5 kilo borraia, 2 patata, 90 g urdaiazpiko ondu, 3 baratxuri ale, olioa, piper gozoa, gatza.

Zailtasuna                            1

1. Borraia eta patata aurreko errezetan bezala garbitu eta prestatu. Xukatu.
2. Zartagin batean zerrendatan moztutako baratxuriak olio zurrusta batekin erregosi, su eztitan.  
3. Tiratan moztutako urdaiazpikoa gehitu eta erregosi. Borraia eta patata gehitu eta arin erregosi.