Bertsoa Unibertsitatean eskola antolatu dute uztailaren 6tik 10era Donostian (Miramar). Aurtengoan, bi ikastarok osatuko dute egitaraua. Lehenak, “Bertsolaritza eta ahozkotasuna Hezkuntza Arautuan” ikastaroak, kantagintzan jarriko du arreta. Bigarrenak, “Bertsolaritzaren bidegurutzeak” izenekoak, hiru talaia desberdinetatik begiratuko die bertsolaritzaren erronkei: ideologiaren esparrutik, transmisiotik eta ikerkuntzatik.

Ikastaroetan ahozkotasunean eta hezkuntzan aditu diren hainbat kidek hartuko dute parte, hala nola: Marie Hirigoien kantariak, Antoni Egaña bertsolariak eta Jon Sarasua bertsolari eta euskal kulturgintzan adituak. Maiatzaren 4an zabalduko da matrikulazioa; ekainetik aurrera %20 gehiago ordaindu beharko da.