4.000 suzko desio bota dituzte zerura Zarautzen, Desioak Sutan ekitaldiaren edizio berrian. Aurten, ‘‘Desioak sutan, Sahararentzat’’ lelopean burutu da eta hainbat herritara zabaldu da ekimena. Zarautzen, gaueko hamarretatik aurrera, zerua euro batean eskuratu ahal zen su bolaz bete zen, Eñaut Elorrietak eta Brahimek ekitaldirako propio egin zuten abestia –‘‘Desio bat dut’’– entzuten zelarik. «Desio bat dut, airean doa, sutan bilduta, zuretzat. Piztuta utzi, hegan egiten, basamortua argi dezan», zioen. Jesus Arana alkateordearen hitzetan, su bola bakoitzak herri baten sufrimendua atzean dagoela gogorarazten du.

Argazkia: Gorka RUBIO | ARGAZKI PRESS