Enpresarekin akordioa lortu ondotik, bertan behera gelditu da Larrialdiak-Eulen Logs aldi baterako enpresa elkarteko greba deialdia.

Bizkaiko enpresa batzordeak atzo jakinarazi zuenez, enpresak uko egin dio langileak greba antolatzera eraman zituzten neurriak aplikatzeari. Hortaz, hurrengo asteetarako aurreikusita zeuden protestak alde batera uztea erabaki dute, baita greba deialdia ere.

Eskubideen alde borrokatu diren langileak eskertu dituzte, eta jendartea ere bai, gatazka honen aurrean interes handia duela erakutsi dutelako eta elkartasun adierazpen ugari jaso dituztelako. Alabaina, argitu dute xede hauek lortu arren, oraindik lana dutela sufritzen duten «egoera prekarioa» amaitzeko.