Ikasturte hasieratik bertan badira ere, atzo inauguratu zuten ofizialki ikastola berria, Peyuco Duhart auzapeza eta Seaskako ordezkariak bertan zirela. Ikastola hazten doala irudikatzeko sagarrondo bat aldatu zuten.

Ikastolak 47 urte ditu eta Urdazuri auzokoa bere hirugarren lokala da. Herriko Etxearekin duela lau urte adostu zuten lekualdaketa eta han zegoen haurreskola beste leku batera eramana izatea eta lanak egiteko zain izan dira orain arte. Udalak 1.300.000 euro jarri ditu.