Ikusle ugari «eta paregabeko giroa» izan da asteburuan Gipuzkoako Herriarteko bertsolari txapelketako saioetan, antolakuntzatik nabarmendu zutenez. Guztira bederatzi saio jokatu dira beste horrenbeste herritan, eta horietan garaile suertatu dira Hitza ote Hitza? (Añorgako saioan), Am...ona! (Villabonan), Erniarraitz 1 (Legazpin), Karidadeko Benta (Asteasun), Si mi mi Sol (Urretxun), Tulipanak (Zarautzen), Txingudi II (Irunen), Ereñotzu (Ereñotzun) eta Hernani (Orion) taldeak.

Asteburu honetan sei saio izango dira, Oiartzunen, Aian, Gabirian, Itziarren, Donostian eta Errenterian.