BENGOETXEA VI.A 22

ELEZKANO II.A 21

Oinatz Bengoetxea, egungo txapelduna, Lau eta Erdiko Txapelketari agur esateko kinka larrian egon zen atzo Labriten. Leitzako aurrelaria 5-13 eta 18-21 galtzen egon zen Danel Elezkanoren aurkako partidan, baina azken txanpan txapeldun handien kasta eta errekurtsoak atera eta 22-21 irabazi zuen, lehiaketan bizirik jarraituz. Hori bai, finalerdietan egoteko Victorren aurka irabazi egin beharko du azken jardunaldian eta tanteoari eta beste neurketan gertatzen denari adi egon.

Elezkanok hasiera bikaina eman zion atzoko demari, asko arriskatu eta asko asmatuz. Bigarren zatian, ordea, apur bat behera egin zuen eta Oinatzek arnasa hartu ahal izan zuen.