Gabonetako atsedenaren ostean, Biarritzek eta Avironek gaur gauean berrekingo diote lanari, ProD2 mailako 18. jardunaldiaren barruan. Biarritzek aukera aparta du sailkapenaren goialdean jarraitzeko –bosgarren dago 46 punturekin–, azken postuan dagoen Carcasona talde apala –lau garaipen eta 13 porrot gaur arte– jasoko baitu Aguilera estadioan, 20.00etan hasiko den partidan. Avironek ordu berean jokatuko du Akizen, eta baionarrek ere gora egiteko baliatu nahi dute jardunaldia, Akize beheko zulotik irten ezinik baitabil.