GARA
DONOSTIA

«Behinola»-k haurrentzako aldizkariak jorratzen ditu zenbaki berrian

“Behinola” aldizkariak atera du bere 36. zenbakia. “Lau eskutara” atala bi musikarik osatu dute: Maite Larburu hernaniarrak (Neighbor taldearen sortzailea), eta Helena Casas katalanak (2PrincesesBarbudes konpainiako kidea). Haurrentzako musikari buruzko hausnarketa egin dute zenbaki berrian. Etxeko txikienei zuzendutako aldizkariei ere erreparatuz Gustavo Puerte Leisse elkarrizketatu du Galtzagorri Elkarteak.

Castillo Suarezek, bestalde, bere liburu kuttunak zeintzuk diren kontatu du aldizkarian… “Tango iritsita, hiru dira” eta “Amonatxoak”. Eta azkenik, Patxi Zubizarretak eta Josune Urrutia ilustratzaileak elkarlanean ondu duten istorioa ere irakur daiteke “Behinola”-n.