Gizarte ekimeneko hezkuntza zentroetan ordezkaritza duten sindikatuek gaurko deituta zuten lan hitzarmenaren aldeko manifestazioa, baina martxoaren 1era atzeratu dute. Esplikatu zutenez, Bilboko Udaltzaingoa eurekin harremanetan jarri da eta mobilizazioa bertan behera uztea gomendatu die, ezingo luketelako segurtasuna bermatu. Europa League-ko futbol partida bat jokatuko da gaur Bilbon eta, antza, kanpoko taldeko ultra asko etorriko dira hirira eta erdigunean istiluak izan litezkeela aurreikusten dute, manifestazioa izatekoa zen orduetan. Martxoaren 1eko martxa Eskolapioetatik aterako da (Errekalde zumarkalea, 19), 19.00etan.