Igandean Garindainen abiatuko da Berezkoen Binakako Txapelketako laugarren jardunaldia, eta Intxauspe eta Ducassou Ospitalen eta Lanberten aurka arituko dira. Garrantzitsua izango da neurketa, eta batez ere azkenekoentzat, galtzen badute finalerdietan izateko aukera oso zaila izango dutelako. Irabazita lehia bizia geratuko litzateke.

Jaialdia 16.00etan hasiko da Bigarren Mailako partidarekin: Agirre eta Luku arituko dira Bielleren eta Palomesen aurka.

Astelehenean Donibane Garaziko Garatenean, Waltari eta Gixandut Etxegarairen eta Bilbaoren aurka lehiatuko dira. 16.00etan hasiko da jaialdia,  eta Lehen Mailakoaren aurretik, Bigarren Mailakoan, Monze eta Lazkano Elgarten eta Cubiaten aurka arituko dira.