Hamabosgarren Bioterra egingo da ekainean, osasun egoera «bikainean»

15. ediziora iritsi da Bioterra, eta osasun egoera bikainean egin du, gainera. Produktu ekologikoen, bioeraikuntzaren, energia berriztagarrien eta kontsumo arduratsuaren azoka honek 2004an ireki zituen ateak, 70 erakusmahairekin, eta 6.000 bat bisitari izan zituen. Gaur, batez beste 12.000 bisitari eta 1.270 erakusmahai ditu. Bioterra 2018ko ekainaren 1etik 3ra bitartean egingo da Ficoban. Euskadiko Nekazaritza eta Elikadura Ekologikoaren Kontseiluak (Eneek) adierazi duenez, aurten ere, zifra positiboak izan dira nekazaritza ekologikoan: eragile kopuruan %5 eta azaleran %25 hazi da.