ETE Ligako hiru estropada jokatu dira eta hirurak eraman ditu Hibaikak. Atzoko 27. Donibane-Ziburuko Estropadan “Madalen” ontzia berriro nagusitu zen, baina Zumaiak lanak eman zizkion estropada erdira arte. Lehen ziabogan “Telmo Deun” ontziko kideek ezarri zuten denbora onena, eta bigarren luzetik aurrera dena eman behar izan zuten Errenteriakoek nagusitzeko. Zumaiak, azkenean, nahikoa lan izan zuen bigarren izateko. Kaikuk txanda ikaragarria egin eta hirugarren amaitu zuen, Tolosaldea eta Deustu gaindituz.

ETE Ligaren hurrengo estropada hilaren 29an izanen da Baionan, 16.30ean.