Muturreko tenperaturak espero dira gaur eta, batez ere, bihar. EAEn, Euskalmetek abisu horia aktibatu du; eta Nafarroan, alerta laranja indarrean egongo da. Iragarri dutenez, Iruñean termometroa 41 gradura hel liteke. Egoera honen aurrean, prebentzio neurriak ezinbestekoak dira. Komenigarria da arropa arinak erabiltzea, ura edatea nahiz eta egarri ez izan, leihoak ixtea, eta, nola ez, surik ez piztea.