Euskal Herriko Bote Luzeko Txapelketako finala eta Enrique Abril Errebote Txapelketako finala igande honetan jokatuko dira, aurreko igandean eguraldi txarragatik bertan behera gelditu baitziren. Igande honetarako aurreikuspenek eguraldi ona iragartzen dute, eta pentsatzekoa da ez dela partidak jokatzeko arazorik izango.

Bote Luzeko finala Berrizen jokatuko da, Berrizburu pilotalekuan, 12.00etan hasita, eta Bizkaia eta Gipuzkoa II taldeak neurtuko dira. Erreboteko finala, aldiz, Villabonako Errebote Plazan izango da, 11.00etan hasita, eta Zubieta eta Noizbait taldeak arituko dira elkarren aurka.