Duela hilabete bat Elixabete joan zitzaigun. Berarekin batera, baita etorkizunean berreskuratuko dudan askatasunarekin berarekin konpartitu behar nuen bizi proiektua ere. Espetxea ez da gune egokia maite duzun pertsonaren dolua egiteko, baina berriro familia, lagunak, herria… nire ondoan, niri tiraka, niri animoa ematen bertan egon zarete. Eta horregatik guztiagatik mila mila esker, azken asteetan bai tanatoriora bai Elixabeteri eskainitako omenaldira hurbildu zareten guztiei. Bihotz-bihotzez eskertzen dizuet niri adierazitako maitasuna, erakutsitako elkartasuna. Mila esker, espetxeko burkide guztiei. Horrelakoetan ere, nahiz eta gure artean milaka kilometro egon, ez da kolektibotasuna apurtzeko gai izango den politika maltzurrik existitzen.