Ha sido un largo periodo de crisis sanitaria y económica. ¿Como han hecho frente a tan difícil situación?

La verdad es que trabajando a destajo. Tratándose la frutería de un servicio esencial, tenemos que admitir que no hemos cerrado el negocio en ningún momento, y asimismo, podemos decir que hemos tenido que trabajar más que nunca y a destajo. Además, hemos tenido que desarrollar nuestra tarea en unas condiciones pésimas, que han obstaculizado nuestra tarea en gran medida.

La gran mayoría de sectores económicos ha sufrido innumerables dificultades de suministro y abastecimiento de productos esenciales y de otra índole. ¿Ha sido ese su caso?

A decir verdad, y a pesar de no poder llevarlo a cabo de una forma óptima, no hemos tenido grandes problemas de abastecimiento. Como pequeño negocio que somos, tratamos de adquirir fruta local en la medida de lo posible. A partir de primavera cogemos todo el producto cercano y local que nos ofrecen los agricultores de Euskal Herria y alrededores. Nos gusta poder ofrecer frutas, verduras y hortalizas de la huerta local, y sabemos que nuestros clientes lo agradecen. Lo malo es que no podemos ofrecer esa variedad de productos durante todo el año, sobre todo en invierno.

Llegada la época estival parece que poco a poco se reactiva el turismo y la actividad económica. ¿Son optimistas de cara al futuro?

Por suerte para nosotros vivimos en un pueblo que tiene playa y es reconocido por ese detalle. Quieras o no, es un gran aliciente para la mayoría de los residentes y visitantes. En ese sentido, el verano es una buena época para nuestra frutería, ya que el ir y venir de la gente es bastante constante, y en esta estación del año hay más variedad frutal. Por ese motivo se nos incrementa el trabajo y eso, al mismo tiempo, hace que miremos al futuro con cierto optimismo.

Eider KORTAZAR

«Guk ere ezinbesteko zerbitzua eskaintzen dugu»

M.A. |

Azken urte eta erdia luzea eta gogorra izan da. Nola bizi izan duzue egoera?

Nahiko lan izan dugu egoerari aurre egiteko. Krisi egoera hasi eta berehala, hilabete eta erdiz itxi behar izan genuen. Denbora hori igarota zabaltzeko aukera izan genuen, betiere ezarritako neurri guztiak zorrotz betez eta zentzu handiz jokatuz. Hala, poliki-poliki aurrera egitea lortu dugu zailtasunak zailtasun. Egoerak iraun duen bitartean bezeroak mimo handiz tratatu eta haiek ondo sentiarazteko beharra sentitu dugu, jendea animoz nahiko makur ikusi baitugu.

Ostalaritza gogor kolpatu dute neurriek. Eta ile-apainketaren sektorea?

Dauzkagun datuen arabera, EAEn estetika eta ile-apainketa sektorean ehundik gora negozio itxi behar izan dituzte, eta horrek erakusten du egoeraren gordintasuna. Ostalaritza eta kultura arloek ere une latzak bizi izan dituzte, gizarte osoak bezala. Hala ere, pertsonalki, esan behar dut lanean egonda, pixkanaka bada ere, aurrera egiten jarraitzen dugula.

Zer iritzi daukazue hartu diren neurri murriztaileen inguruan?

Egia esateko, zentzugabekeria asko bizi behar izan ditugu. Erabakiak hartzea erraza ez dela onartuta ere, iruditzen zait guk hartu behar izan ditugun beharrezko segurtasun neurriak beste zerbitzu publiko batzuetan ez direla neurri berean hartu.

Uda garaia gain-gainean daukagu. Zer aurreikuspen daukazue etorkizunera begira?

Badirudi ospakizunak ere bueltatuko direla, eta nabari da jendeak bere burua apain ikusteko beharra duela. Horiek berri onak dira guretzat, baina salatu behar dugu, aldi berean, leku guztietatik oztopoak jartzen dizkigutela; argindarraren prezioaren igoera, BEZaren gorabeherak... Hala ere, egoera samurra izan ez arren, erakutsi dugu ezinbesteko zerbitzua garela, eta gizartean zeregin garrantzitsua jokatzen dugula.

Itziar AIZPURUA

«Gure ehun urteko historian lehen aldiz itxi behar izan dugu»

M.A. |

Osasun krisiak sektore ekonomiko guztiei eragin die modu batean edo bestean. Nola bizi izan duzue egoera hori?

2020ko irailean gure familiako kide batek positibo eman zuen covid-19an, eta, ondorioz, okindegia itxi behar izan genuen bi astez. Usurbilen negozioa itxi behar izan genuen lehenak izan ginen, eta gure okindegiaren ehun urteko historian lehendabizikoz gertatu zitzaigun halako egoera bat.

Okintza, hala ere, ezinbesteko zerbitzua izan da krisiak iraun duen bitartean. Nolakoa izan da zuen egunerokoa?

Alde batetik, egia da osasun krisiak eragindako ondorioak hasiera-hasieratik antzeman genituela modu batera edo bestera. Esaterako, hornitzen ditugun Usurbilgo hiru sagardotegi eta gainerako tabernak itxi egin behar izan zituzten, eta horrek gure salmentetan eragin negatibo handia izan zuen, noski. Beste alde batetik, ordea, sumatu izan dugu etxez etxeko eta negozioz negozioko produktuen banaketak gorakada izan duela, egoera kaskarra eta debekuak direla eta, jendea ez delako hainbeste mugitzen leku batetik bestera.

Neurri murriztaileak gutxitu egin dira, eta jarduera ekonomikoa bere horretara itzultzen ari dela dirudien honetan, zer ikuspegi daukazue etorkizun hurbilera begira? Baikor izateko motiborik ikusten al duzue?

Guk, besteak beste, ogia, opilak eta prentsa saltzen ditugu gure dendan eta egia da eguneroko behar gisa kontsidera ditzakegula. Ildo horretan, esan bezala, ez dugu hain bortizki sufritu krisiaren astindua. Baina herriko komertzio txikiak gorriak ikusi behar izan ditu atakatik atera ahal izateko. Oraindik orain egoera larrian daude negozio asko eta asko, eta, horrek, zeharka bada ere, guri ere eragiten digu. Bestalde, osasun krisiaz gain, dendari txikiak hemen ondoan daukagun Urbil bezalako merkataritza gune handiekin lehiatu behar du, eta etorkizuna ez da uste bezain polita. Hala ere, aurrera begiratzea besterik ez zaigu geratzen.

Aurori ZABALETA

«Nerbio sistemako arazoak tratatu behar izan ditugu»

M.A. |

Zeintzuk izan dira osasun krisia hasi zenetik dendan izan dituzuen zailtasun nagusiak?

Zailtasunak baino gehiago neurriak zorrotz betetzea izan da gure kezka nagusia. Alderdi hori kontu handiz zaintzen eta betetzen saiatu gara une oro. Denda txikia izaki, gure jarduna ahalik eta normaltasun handienarekin egiten saiatu gara beti, eta, hein handi batean behintzat, lortu dugu gure egunerokotasunari eustea. Egia da, bestalde, gure lana, zentzu batean, jendearen zalantzak argitzea izan dela, hau da, komunikazio lan handia egin behar izan dugu bezeroak eta herritarrak lasaitze aldera.

Zeintzuk izan da, denbora honetan guztian, bezeroek gehien eskatu dituzten produktuak edota zerbitzuak?

Esan bezala, jendea kezkatuta eta urduri sumatu dugu denbora honetan guztian. Osasun krisialdiak sortu duen beldur eta egonezinak areagotu egin ditu jendearen kezkak, eta asko eta asko izan dira gurera galdezka etorri direnak. Guk geuk ere zalantza asko izan ditugu bezeroari erantzunak, aholkuak eta tratamenduak ematerako orduan. Baina bai, gehienbat nerbio sistemako arazoak tratatu behar izan ditugu, jendeak hilabeteotan pairatu duen urduritasuna neurriz kanpokoa izan baita.

Erakunde publikoen partetik laguntza berezirik jaso al duzue merkataritza sektoreko negozioek bizitako egoera zailari aurre egin ahal izateko?

Guk negozio bezala ez dugu laguntza zuzenik eskatu behar izan. Izan ere, krisiak iraun duen denboran lan handia izan dugu eta ekonomikoki ez dugu beste hainbat sektorek beste sufritu. Egia da, hala ere, Zumarragako Udalak eta Eusko Jaurlaritzak erosketa-bonuak jarri dituztela herritarren eskura, eta hori pizgarri positibo gisa kontsideratzen dugu, kontsumoa biziberritzeko modua baita. Azkenik, uste dugu osasun egoerak hobera egin ahala, ekonomiak ere pixkanaka-pixkanaka bide bera jarraituko duela.