Irailean Moralaren Poliziak Mahsa Amini jatorri kurduko emakumea hil eta Iran osoan protestak piztu zirenetik, Errepublika Islamikoa protesten kontra errepresio gogorra baliatzen ari da. Atzo bertan, protestetan segurtasun indarretako hiru kide hiltzea leporatuta, hiru pertsona heriotza zigorrera kondenatu eta Amir Nasr Azadani futbolariak 26 urteko kartzela zigorra jaso zuen. Iran desegonkortzeko dauden interes inperialisten gainetik, bertako herritarrek, herriek eta, jasaten duten zapalkuntza espezifikoagatik, emakumeek libre izateko eskubide osoa dute.