Groningeneko Unibertsitatea zen frisiera titulua lor zitekeen zentro bakarra. Hango frisiera irakaslea, Herbehereetako azkena, erretiratu zen arte. Esan zuenez, «nazioarteko konpetentziak frisiera xurgatu du». Izan ere, Herbehereek urteak daramatzate nazioarteko ikasleak erakartzeko ahaleginean eta horrek ingelesaren pisua handitu du ez soilik frisieraren aldean, baita Herbehereetan erabiliena den nederlanderaren aldean ere. Horra, hizkuntza gutxituek babes politika eraginkorrak behar dituztela garbi uzten duen beste adibide bat.