Lan osasunaren arloan atzerakada egiaztatu du LABek 2022ko txostenean

Lan istripuei buruzko 2022ko txostena aurkeztu du LABek. Aditzera eman dute iaz 69 langile hil zirela Euskal Herrian, eta beste 276 gaixotasun profesionalen batek jota. Lan osasunaren arloan Euska Herria atzera egiten ari dela ondorioztatu du. Nabarmendu dute «oso erraza» zela iaz gertatutako istripu hilgarriak ekiditea.

Euskal Herriko lan ezbeharrei buruzko 2022ko txostena aurkeztu du LABek. Argazkian, Garbiñe Aranburu eta Inko Iriarte. (LAB | LAB)

SEKTOREKA

Eraikuntzan 20 langile hil ziren, gehienak altueraren batetik erorita, eta basogintza 15 bider hilgarriagoa da. Industrian 22 zendu ziren, tartean Garesko espazio konfinatuetan egindako lanen ondorioz hildako 2ak; eta garraioen sektorean 9, haietako 6 ez-traumatikoki.

PREKARITATEA

Sindikatu abertzaleko ordezkariek abarmendu dute prekaritateak gaixotasunak eragiten dituela eta langileak hiltzen dituela. Hori dela eta, uste dute «ikertu egin beharko liratekeela ez-traumatikotzat jotako heriotzen arrazoiak».