Otsailaren 14a San Valentin edo «maiteminduen eguna» dela diote zenbait egutegik. Banksy grafitigile ingelesak berea duen satira erabiliz kritika egin zion egunari. Ingalaterrako Margate herrian agertu zen atzo horma-irudia. Hozkailu zahar bat zegoen kalean, eta trastea baliatuz Banksyk margoa egin zuen horman. 1950eko hamarkadako etxeko langile bat ageri da, hozkailu barrura gizonezko bat bultzatzen, begi keinua egiten dion bitartean begira dagoen herritarrari. Maitasun erromantikoaren bihotzetatik harago, bestelako irudi bat jarri zion egunari artistak.

William EDWARDS | AFP