Indonesiako lur gorrixkak metal preziatu bat ezkutatzen du, nikela. Ibilgailu elektrikoak egiteko erabiltzen da eta hango nekazarien galbide bihurtu da. Talde txinatar boteretsuek, hegokorearrek, Tesla ibilgailu elektrikoen konpainia estatubatuar erraldoiak eta Vale Brasilgo meatze-elkarteak lurrak kendu dizkiete, baina nekazariak ez daude amore emateko prest. Manifestazioak antolatzen, errepideak blokeatzen eta meatze ekipoen aurkako sabotajeak egiten ari dira, beren lurra eta bizimodua defendatzeko.