Ahrar al-Sharqiya talde armatuko kideek, Turkiak babestutako miliziak, familia kurdu bati eraso zioten, Newroz jaia bere etxetik hurbil ospatzeko prestatzen ari zenean. Erasotzaileek familia bereko lau pertsona hil eta beste hiru zauritu zituzten Jindayrisen. Turkiak babestutako erasoaldian harrapatu zuten herri hori 2018an, indar kurduak Siriako Afrin eskualdetik kanporatu zituztenean. Berriz ere, kurduek salaketekin eta mobilizazioekin ospatu behar izan dute urte berriko eta udaberriko jai garrantzitsua.