AEBetako Kalifornia gogor astindu dute ekaitzek azken orduetan. Urek gainezka egin dute han eta hemen, trafiko istripuak izan dira, 80.000 lagun atzo argindarrik gabe zeuden (Alameda eta San Mateo konderrietan batik bat )... eta okerrena, bost pertsonaren heriotza ere jakinarazi dute agintariek estatuko toki ezberdinetan, gehienen kasuan, arbolak gainera jausita. Eurite eta haizete indartsuen ondorioz, uholdeak izan dira eta errepide franko moztuta geratu dira. Irudian, ibilgailu bat ia urez estalitako 43. autobidean aurrera egin nahian, Tulare konderrian.

Patrick T. FALLON | AFP