Kataluniako justiziak Mossos d'Esquadretako sei polizia kondenatu ditu 2016an bi gazte torturatzeagatik. Barne Sailburutzatik adierazitakoaren arabera, kondenatuak izan arte ez zaie espedienterik ireki eta Mossoen Barne Aferetarako Departamentuak ez du kasuaren berri eduki. Gazteek osasun ondorio larriak pairatu dituzten bitartean, polizietako lauk gaur arte lanean jarraitu dute, ezer gertatu izan ez balitz bezala. Utzikeria ala onespena, kataluniar gobernu ezberdinen jarrera ulertezina eta osotoro onartezina da.