Atzo, Euskaltel-Euskadik, Itzulian korrituko duten txirrindulariak iragartzeaz gain, “marea laranjaren” elastiko berria aurkeztu zuen. Kolore laranja Euskaltelen eta zaleen ikur bihurtu da txirrindularitza munduan, eta «munduko zale onenei» omenaldia egingo die diseinu berriak. Kukuxumuxuren diseinua du eta Beelorzia ahuntza du protagonista. Animo mezuz osatu dute elastikoa. Kamiseta etapa amaiera guztietan banatuko da, baita hasieran ere, taldearen autobusean. Eibarko etapan «bihurgune laranja» esaten dioten lekuan ere hartu ahal izango da.