Iaz 7.639 lanpostuko eskaintza publiko berria iragarri zuen Osakidetzak. 2020, 2021 eta 2022ko EPEko eta 2021eko egonkortzeko probak uztailetik azarora bitartean egingo dira Gasteizko EHUko campusaren eta Barakaldoko BECen artean banatuta.

Hala iragarri du Gotzone Sagardui Osasun sailburuak, Gasteizen egindako agerraldian. Han nabarmendu duenez, Osakidetzaren historian enplegu publikoa egonkortzeko eta finkatzeko prozesurik jendetsuena da.

Guztira, 109.029 pertsonak izena eman du deialdian. 6.082 lanpostu lehiaketa-oposizio bidez eskaintzen dira, hau da, hautaketa probak eginez, eta gainerakoak (1.557) merezimenduen balorazioaren bidez.