Ehun bat foruzainek elkarretaratzea egin zuten atzo «mugimendu asindikal» delakoak deituta. «Sin reglamento no hay San Fermín» lelopean, sanferminak jopuntuan jarri zituzten, Ertzaintzaren barnean sortutako mugimendu berriak Tourrarekin egin bezala. Gobernuari leporatu zioten Polizien Legea ez betetzea, araudi baten faltan segitzea eta ezer ez egitearen ondorioz Foruzaingoa tentsio etengabean edukitzea. Baina, batez ere, atentzioa eman zuen sanferminak kolokan jartzearekin erakutsi zuten setak.