Juan Carlos RUIZ FOKU
BEGIRADA

Abusuzko beste komisio bat, itzuli beharrekoa

Europar Batasuneko Justizia Auzitegiak martxoan ebatzi zuen hipoteka baten irekiera komisioa ez dela kontratuaren xede nagusiaren parte, eta, beraz, zerbitzu jakin bati erantzuten ez badio, abusuzko klausulatzat hartu behar da. Irizpide horri jarraituz, Bizkaiko Auzitegiak lehen aldiz baliogabetu du horrelako komisio bat. Milaka bezeroren hipoteka irekieraren komisioak baliogabetzat jotzeko atea irekitzen du aurrekari honek. Ai, zeinen luzea, korapilatsua eta nekagarria den bankuek bidegabeki kobratzen duten dirua berreskuratzea!