“Berria” egunkariaren 20. urteurrena ospatzeko 600 lagun elkartu ziren atzo Donostiako Tabakaleran. Euskal jendartearen ordezkaritza zabala izan zen bertan. Martxelo Otamendiren agurra eta Amagoia Mujika zuzendari berriaren ongi etorria irudikatu ziren, besteak beste. Hitzaldi hunkigarrian, eta “Egunkaria” eta proiektuaren lemazain izan den 30 urtetan izan dituen bidaia-lagunak gogoan, Otamendik eskerrak eman zituen. Mujikak kazetaritzaren balioa eta euskarazko kazetaritza aldarrikatu zituen eta «aldi hau kontatzeko» misioa dutela nabarmendu zuen.