Ghanako Kongresu Nazional Demokratikoa oposizioko alderdiak kalera atera zituen atzo bere jarraitzaileak, Akkra hiriburuan, bizitzaren garestitzeagatik eta langabezia masiboagatik protesta egitera. Beste herrialde asko bezala, Ghana aberatsa da, kakao- eta urre-ekoizle handia da, eta gas- eta petrolio-erreserba handiak ditu, baina interes-tasen igoerarekin zorraren karga izugarri handitu, eta inflazioa kontrolik gabe hazten ari da, eta horrek herritar xumeak pobretu ditu. Sistema ekonomiko bidegabe baten beste biktima bat da.