1977tik, urtero, urriko lehen ostiralean izaten da Maritxu Kajoi txikiteroen zaindariaren eguna. Elegante, distiraz jantzita, ospatu beharrekoa. Kondairak dio, behinola iturriak ura botatzeari utzi eta ardoa isurtzen hasi zela. O, miraria! Zintzurra ongi bustita majo txispatutako txikiteroak bertso solte batzuk Maritxuri eskaini, eta gurpilak ez dio buelta egiteari utzi, Euskal Herriko jai-egutegian egun enblematiko eta lotsagabeenetakoa bihurtu arte. Autogestioaren alde apustu eginda, ahizpatasun eta errespetuan gozatua, espazio seguru eta librean. Eta, beti-beti, ez daudenak ondo gogoan.