Argazkikoak ez dira “CSI” telesaileko bi protagonista krimen baten ikerketarako froga bila, ezta pandemia garaiko bi osasun-langile ere. Caroline Anthony eta Lori Brodeur dute izena, Lahaina hiriko (Maui konderria, Hawaii) bi bizilagun dira eta beren etxea zegoen eremuan bilaketa lanetan dabiltza: abuztuko sute itzelean -gutxienez 98 lagun hil zituena- kiskali ziren 2.000 eraikinetako bat da beraiena, eta errauts artetik ezer salbatzerik badagoen begiratzen ari dira. Apurka ari dira Mauiko mendebaldean egoerari buelta ematen, eta gaur bertan zabaltzen hasiko dira gune turistiko batzuk.