Nazio Batuen Turismoaren Mundu Erakundeak Oñati saritu du. Hain zuzen ere, «Best Tourism Village 2023» titulua eman diote udalerriari, Turismo Herri Onenaren saria. «Best Tourism Villages by UNWTO» ekimenak Oñatiri aitortza egin dio, kultura eta natura ondasunak dituen landa turismoaren adibide nabarmena delako, landa guneetan dauden balioak, produktuak eta bizi estiloak zaintzen eta sustatzen dituelako, eta berrikuntzarekin eta iraunkortasunarekin konpromiso argia duelako. 206 herriren artean aukeratu dute Oñati, OMTren Batzar Nagusiaren 25. bileran.