Euskal Kirol Federazioen Batasunak (EKFB) Euskal Selekzioa Sariak lehen edizioa ospatu zuen atzo Bilbon, Azkuna Zentroan. Hiru sari eman zituzten: Joseba Iraola gidariak Garaipena saria eskuratu zuen, Euskal Herriko Emakumeen Irristaketa Selekzioak Proiekzioa saria, eta Jose Angel Iribar Athleticeko atezain ohiak Ibilbidea saria, Euskal Selekzioaren alde egindako lanaren aitortza gisa. Patinajea, belar hockeya, eskubaloia eta mendiko federazioak ere aipamenak izan zituzten, nazioarteko federazioetan modu ofizialean integratzeko prozesua hasi baitute.