Gizakia bakar-bakarrik, bere oskolpean molusku baten pare, babesgabe, olatuek Newhaven-eko (Ingalaterra) kostaldea nola kolpatzen duten ikusten ari da. Ekaitza edertasun nola bilakatzen den. Zenbat eskertzen den itsasoaren indarkeria! Ikuskizun magikoarekin trantzean dago, haizeak olatuen orrazkera desegitean. Poetika latza da, jainko basa eta suelto aritzen diren mezulariena. Itsasoak orro egiten dio, eta bizitzak, eta ahots zakarragoaz egin ahala, beldurrez estaliagoa du arima. Eta zenbat eta zakarrago, barne bakea sakonagoa, bizigarriagoa.