Gasteizko epaitegi batek Osakidetza zigortu du grebarako eskubidea urratzeagatik; hain zuzen, gutxieneko zerbitzurik ez zuten atal batean greba egin zuten langileak ordezkatzeagatik. Duela lau urte gertatu zen, Arabako Kanpo Kontsulten Laborategian. Osasun publikoaren kudeaketa negargarriaz eta kontratazio prekarioaren gehiegikeriaz gain, Osakidetzako zuzendaritzak langileen greba-eskubidea urratzen du. Osasun publikoa kudeatzeko erabili den prepotentziaren beste adibide bat.