Valentzia Basket Kopako txapeldun bihurtu zen atzo, Huelvan jokatu den eta IDK-k -donostiarrek hauen aurka galdu zuten final-laurdenetan- eta Gernikak -Perfumerias Avenidak kanporatu zituen bizkaitarrak- ere jokatu duten txapelketan. Finalean Zaragozari 77-53 irabazteaz harago, are txapeldunagoa bihurtzeko keinu bat burutu zuen talde laranjak: Queralt Casas kapitainak garaikurra altxatzeko pribilegioa IDKren aurka belaunean lesio larria izan zuen Raquel Carrerari utzi zion. Galiziarrak Araskin jokatu zuen 2019-2020an. Bere errekuperazioaren lehen urratsa.