Maydayterraneo GKEk Aita Mari ontzia bisitatzeko gonbita egin die herritarrei. Atunontzi ohia Mediterraneoko uretan pertsonak erreskatatzeko erabiltzen da orain, eta Itsasmuseumeko kaian atrakatuta dago, Carola garabiaren ondoan, Bilbon. Itsasontzia apirilaren amaierara arte bisitatu ahal izango da, eta asteko egun guztietan egongo da zabalik, 10.00etatik 13.00etara eta 16.00etatik 19.00etara. Bisitek 45 minutu inguru iraungo dute eta doakoak izango dira. Hori bai, aldez aurretik erreserba egitea gomendatzen dute, itsasontziko sarrera ziurtatzeko.