Paris eta Milan, biak ere edertasun eta handitasunaren hiriburu. Paris eta Milan, maratoiarekin elkarri lotuta, kasualitatez edo kausalitatez. Estatu frantseseko hiriburuan eta Italiako finantza hiriburuan maratoi bana jokatu zen atzo, eta korrikalari afrikarrak nagusitu ziren. Justizia poetikoa, politika antirrazistak gero eta indar handiagoa hartzen ari diren hiriburuetan. Monumentuen handitasunaren gerizpean, balentria handia lortu zuten; Umak eta Fikirrek, Parisen; eta Kipkosgeik eta Memuyek, Milanen.