Etxegabetzeen dramaren kasuistikan badira kasu bereziki gorrotagarriak. Kaleratzeak Stop plataformak atzo salatu zuenez, Astigarragan Ertzaintzak, aldez aurreko abisurik gabe, eta soinean zeramanarekin, Julian izeneko 73 urteko gizon bat etxegabetu du. Epaileak etxearen jabea den Gormedino SL mailegu-emailearen esku utzi du Juliani bere arropak, botikak eta paperak hartzeko baimena ematea ala ez. Etxebizitzak eskubidea izan beharko luke, eta ez dago eskubiderik zailtasunak dituen jendea horrela tratatzeko.