Euskal Herriko zazpi lurraldeen topagune bilakatu da asteburuan Bidarte. Araba, Bizkai, Gipuzkoa, Nafarroa Garai, Nafarroa Behere, Lapurdi eta Zuberoako “pilotari ttikiak” -eta horien senideak- bertaratu ziren Lapurdiko udalerrira. Zesta-punta eskolen topaketen 25. ekitaldia izan da aurtengoa eta inoizko ediziorik jendetsuena izan da. 7 eta 12 urte bitarteko 250 haur elkartu ziren, profesional mailan gertatzen ari den gorakadaren isla. Gazteek erreferenteak behar dituzte eta, kirolak etorkizuna izateko, harrobia behar da. Funtsezko binomioa.