Arabako Foru Aldundiak Biblia gotiko bateko 22 pergamino aurkitu ditu Kexaako monasterioan. Biblia gotiko horren beste 64 orri enkantean jarriko dira gaur Christie's-en, 35.000 eurotik gorako prezioarekin. Joan den astean jakinarazi zuten enkante etxe ezagun honek “Kexaako Biblia” izeneko eskaintza bat antolatuko zuela. Christie's-ek ale «arraro» gisa deskribatzen du eta Biblia osoa ez dela azaltzen du, XVII. mendea amaitu aurretik zatitu zutelako. Dokumentazioa gordetzeko karpeta gisa erabiltzen ziren pergaminoak, eta ondoren idatzitako oharrak dituzte.