Satnam Singh 31 urteko langile indiarrak istripu larria eduki zuen astelehenean Latinan, Erromatik gertu, landa-eremuan lanean ari zela. Makinak besoa moztu zion eta nagusiak, ospitalera eraman beharrean, Singh eta bere beso moztua bere etxebizitzaren aurrean errepidean utzi zituen. Larri zauritutako langilea hil egin zen, eta kasu anker honek Europan hainbat nekazaritza ustiaketatan langile etorkinek jasaten duten esplotazio basatia azaleratu du. Giza eskubideen Europa ez da etorkinengana iristen.